Google ka lajmëruar se në shtator do të fillojë të minimizojë dhe më pas ta eleminojë krejtësisht Adobe Flash nga përdorimi në browserin e tij Chrome.Chrome 53 do ta bllokojë Flash-in, dhe Chrome 55 në dhjetor do të përdorë vetëm HTML5.
Google ka vendosur të bëjë këtë ndryshim pasi e konsideron HTML5 si më të sigurt dhe më të shpejtë për hapjen e faqeve dhe videove në internet.
Gjithashtu HTML5 është më efikas sesa Flash. Çdo përdorues laptopi që përdor Chrome e di shumë mirë se sa shumë bateri harxhon ai.
“Do të shihni një përmirësim në efiçensë dhe shpejtësi në shumë nga faqet,” shkruan Anthony LaForge, personi që ndërtoi Flash në Chrome.