Google po bën akoma më shumë ndryshime tek Chrome në Android.Kompania ka ndryshuar shpesh ‘New Tab’ dhe tani duket se po bën një eksperiment tjetër në ndërtimin e një faqeje ‘New Tab’ e cila mbështetet nga Google Now.
Në versionin e ri do të shfaqen sugjerime të faqeve bazuar mbi faqet më të klikuara dhe ato të bëra ‘bookmark’, e ngjashme me opsionin e mëparshëm ‘Show content snippets on the New Tab Page.
Cilësia e re ofrohet në versionin fundit të Google Chrome për Android dhe do të mund të shkarkohet së shpejti në Google Play, transmeton krokodili.
Për ta provuar vetë këtë version, në fillim shkarkoni versionin e përditësuar të aplikacionit Chrome.
Pasi ta keni bërë këtë, do t’ju duhet të kontrolloni në opsionin ‘Show content snippets on the New Tab Page’, ku mund të zgjidhni vetë llojin e përmbajtjes që doni t’u sugjerohet në Chrome.