Samsung së fundmi ka bërë prezantimin zyrtar të versionit më të ri të ngjyrës, rozë-ari, për pajisjet e saj të avancuara më të reja – Galaxy S7 dhe S7 edge.
Versioni i ri i ngjyrës është lançuar sot në shtëpinë e Samsungut, Kore Jugore, ndërsa kompania me këtë rast ka thënë se ky version së shpejti do të jetë në dispozicion edhe në disa tregje të caktuara.
Ndërkaq kuptojmë se këto modele janë në dispozicion në disa ngjyra si: të zezë Onyx, ari Platinum, të bardhë Pearl, si dhe argjend-titan.